Uharteko Kultur Etxearen programazioa hileroko agendetan antolatzen da eta honako hauek barnebiltzen ditu:
• Musika eta arte eszenikoen ikuskizunak.
• Irakurketa sustatzeko jarduerak.
• Diziplinarteko proiektuak.
• Uharteko elkarte sareak antolatutako jarduerak.
Kultura Zerbitzuak eskainitako programazioa Kultura Zerbitzuko talde teknikoak lantzen du, eta bera arduratzen da herritarren, kolektiboen, banatzaileen eta konpainien aldetik jasotako proposamen guztiak jaso eta aztertzeaz.

Kultur proposamenak jasotzea: cultura@huarte.es.

Kultura Zerbitzuak hainbat programa ezartzen ditu Andre Mari Zuria Ikastetxe Publikoan, pertsona guztiek euren haurtzaroan kultura adierazpenetara sarbidea izan dezaten.
Gaur egun, hiru programa garatzen dira ikastetxean:

• FIRA, IRAKURZALETASUNA SUSTATZEKO ESKOLA PROGRAMA
  Eskolako irakasleekin koordinatutako programa honen bidez, ikasle guztiek ahozko narrazio saioetan edota idazleekin egiten diren topaketetan parte hartzen dute.
  Irakurketa esperientzia onak partekatu, eta testuak aukeratzeko askatasuna bultzatzen da genero, estilo eta literatura forma anitzetara sarbidea sustatzeko asmoz.
  Egin klik informazio gehiago eskuratzeko

• OHOLTZARA SALTO A ESCENA
  Oholtzara Salto a Escena Nafarroako Antzoki Sarearen proiektu bat da. Arte eszenikoak gazteei hurbildu eta eurak protagonista bihurtu nahi ditu, bitartekaritzaren, prestakuntzaren eta erakusketaren bidez haien beharrei erantzunez.
  Programa hezkuntza eremuaren eta UGAZTE Udaleko Gazteria Zerbitzuaren laguntzarekin garatzen da. Urtero hainbat jarduera eskaintzen dira, hala nola antzerki emanaldiak, antzerki foruma, dantza egoitzak eta gazteentzako arte eszenikoen tailerrak.
  Garatu beharreko jarduerak urtero adosten dituzte erakunde laguntzaileek.
  Egin klik informazio gehiago eskuratzeko

• ADIERAZPEN ETA JOLAS DRAMATIKOKO SAIOAK LEHEN HEZKUNTZAN
  Urtero, Nafarroako Antzerki Eskolarekin lankidetzan, Andre Mari Zuria ikastetxe publikoko lehen hezkuntzako lehenengo mailako ikasle guztiek eskola orduetan antolatzen diren antzerki saioetan parte hartzen dute, antzerkia modu ludiko, sortzaile eta atseginean probatzeko helburuarekin.
  Egin klik informazio gehiago eskuratzeko

Gaur egun, Uharten hiru jaialdi berezi ospatzen dira. Jaialdi horiek erreferentzialak bihurtu dira, ibilbide luzea egin dutelako eta herritarrek harrera ona egin dietelako.

• EZIN ZAILAGOA ZIRKO JAILADIA
  
  
  Nafarroako zirku jaialdia 2001ean sortu zen, Nafarroako hainbat udalek bat eginda, tartean Uharteko Udalak.
  Gaur egun, honako udal hauek antolatzen dute jaialdia: Altsasu, Tutera, San Adrian, Viana eta Uharte.
  Jaialdia abuztuaren amaiera edo irailaren hasieran egiten da, eta 5 egunez 5 udalerrietarako zirko programazio amankomuna proposatzen da.
  
  

  
  
   

• 3DANCE
  

  3Dance dantza jaialdia, 2016an sortu zen Uharte, Eguesibar eta Atarrabiako Udalen ekimen gisa. Hiriko espazioan dantza sustatzea, dantzarako publiko berriak prestatzea eta sorkuntza koreografikoa sustatzea du helburu, eta bereziki gazteei zuzenduta dago.
  
  Jaialdiak bi zati ditu: alde batetik, koreografia lehiaketa bat edo dantzari gazteei zuzendutako lehiaketa bat (taldean, bikotean edo bakarka), eta, bestetik, herri bakoitzean aritzen den dantza konpainia profesional baten programazioa.
  Formula horrek originaltasuna ematen dio 3Dance jaialdiari, eta eremu profesionalaren eta amateurraren arteko topaketa aberasgarria ahalbidetzen du.
  
  

• FESTIVAL CANTAMAÑANAS
  
  
  “Cantamañanas International Urban Art Festival” Uharteko Jabi Landa artista gazteak sustatutako proiektua da, kultura, kontzientziazio soziala eta artea bateratzen dituena, urtero egiten den muralismoaren eskutik, eta bertako eta nazioarteko artisten presentzia duena. Normalean irailaren lehen hamabostaldia izaten da.
  Jaialdia Cantamañanas taldeak antolatzen du Uharteko Udalaren babesarekin.