Joan den azaroaren 3an hasi ziren Larrainak kalea birurbanizatzeko eta kaleak atsegin bihurtzeko lanak, San Frantzisko Xabierkoaren eta Andre Maria Zuriaren kaleen arteko zatian, segurtasuna eta irisgarritasuna handitzeko, mugikortasun murriztua duten pertsonei arreta berezia eskainiz. Bide batez, edateko uraren sarea berritzen ari gara, zuntz-zementuzko hodi zaharrak ordeztuz. Obra hauek espero dugu urtea amaitu baino lehen amaituta izatea.
Birmoldaketa hau amaitzean, Larrainak kalean aparkatzeko leku kopurua murriztuko da. Horregatik, Udala behin-behineko aparkalekua prestatzen ari da Zarraondoa Zeharbidean, Osasun Zentroaren atzean.
Gune berri horri esker, zonaldean galtzen diren aparkalekuak konpentsatu ahal izango dira. Dagoeneko aparkaleku horretako obrak hasiak dira, ahalik eta azkarren martxan jartzeko eta lan horien ondoriozko eragozpenak minimizatzeko.
Lan horiek Udalak bizi-kalitatea, hiri-segurtasuna eta zerbitzu publikoen jasangarritasuna hobetzeko duen konpromisoaren parte dira, eta badakigu horrek herritarrei eragingo dien nahasmenduaz; horregatik, eskerrak ematen dizkizuegu obra horiek irauten duten bitartean izanen duzuen pazientziagatik, lankidetzagatik eta elkar ulertzeagatik.
