Uharteko Udalak, etxebizitzarako funtsezko eskubidearen aldeko konpromisoa betetzeko, alokairu libreko udal-etxebizitzen poltsa bat du, higiezinen merkatuaren aldean eskuragarriagoak eta neurtuagoak diren prezioak ezarrita.

Helburua da gazteei (30 urtetik beherakoak) eta familiei sarbidea erraztea, Uharten bizitzen geratu ahal izateko.

Etxebizitza-kontratuaren hasierako epea bi urtekoa izango da, eta luzatu egin ahal izango da, errentariak hala eskatzen badu, gehienez ere zazpi urtera arte, hasierako epea barne, betiere etxebizitza hori esleitzea eragin zuten baldintzei eusten bazaie.

Etxebizitzak esleitzeko irizpide eta puntuazio batzuk daude. Informazio guztia eskuragarri dago ordenantzan.

ETXEBIZITZA LIBREAK

Udalak, une honetan, 2 logelako 10 etxebizitza ditu, Oihana kaleko 17. zenbakian: 54,81 eta 51,96 m2 erabilgarri arteko 5 etxebizitza, familientzat; eta 51,96 eta 44,12 m2 bitarteko beste 5 etxebizitza, 30 urtetik beherako gazteentzat.

ESKABIDEAK

Eskaerak udaletxean aurkeztu behar dira, egoitza elektronikoaren bidez edo OACen (Herritarrak Hartzeko Bulegoa). Epea 2023ko irailaren 15ean amaituko da.

AURKEZTU BEHARREKO DOKUMENTAZIOA