Apirilaren 13tik aurrera (astelehena), Ikerfel enpresako talde batek (zundaketa hori egiteko kontratatu den enpresa) 700 elkarrizketa pertsonal egingo ditu Erripagaña auzoan bizi diren 15 urtetik gorakoen artean, Uharte, Burlata eta Iruñeko udalerrietan. Elkarrizketetarako galdetegiak 28 galdera ditu eta emaitzak txosten batean jasoko dira, maiatzeko bigarren asterako aurreikusita dagoena.Apirilaren 13tik aurrera, astelehena, Ikerfel enpresako talde batek galdeketak egingo ditu Erripagaña auzoan, Uharte, Burlata eta Iruñeko udal mugapeetan.
Astelehen honetan abiatuko den inkesta zazpi bloketan banatuta dago, eta hainbat gai jartzen ditu ezbaian: egungo bizi-kalitatea, etorkizunerako aurreikuspena, eremuak dituen arazoak eta eskaintzen diren zerbitzu eta hornidurei buruzko pertzepzioa. Inkestak auzoaren jarduera soziala eta errotzeari buruz ere galdetzen du, baita espazio publikoaren kudeaketa zatikatuaren eraginari buruz ere, administrazioa lau udalerri ezberdinetan banatuta dagoelako.
Inkesta demoskopikoa Erripagañan. Hiru aste, apirilaren 13tik aurrera
Galdeketaren adierazleek kontzeptu eta dimentsio hauek jasotzen dituzte:
| KONTZEPTUA | DIMENSIOA |
| HIRI-ERREALITATEA ETA PERTZEPZIOA | Bizi-kalitate orokorra
Zerbitzuen eta espazioen funtzionaltasuna Auzo sortu berriaren erronkak Administrazio-eraketa |
| OHITURAK ETA KOMUNITATE-HARREMANAK | Ohiturak, maiztasuna eta tokia
Interakzio soziala Komunitatea eraikitzea |
| HIRI-INGURUNEAREKIKO GOGOBETETZEA | Antzemandako ongizatea
Bizitegi-ingurunearen ezaugarriak Prestazioak eta ekipamenduak |
| ERROTZEA ETA PARTAIDE IZATEAREN ZENTZUA | Konexio emozionala Erripagañarekin
Udalerriekiko harremana Tokiko nortasuna eraikitzea |
| ESPAZIO PUBLIKOAREN ERABILERA ETA IRITZIA | Espazio publikoekiko elkarreragina
Espazio publikoaren balorazioa Kudeaketa zatikatuaren eragina |
