"Barra" denboraleak eragindako kalteengatik zergen salbuespenak
"BARRA" DENBORALEAK ERAGINDAKO KALTEENGATIK 81/2021 FORU AGINDUAN SARTUTAKO ZERGA-SALBUESPENETARA ATXIKITZEKO ESKAERA
- Eskabide bat aurkeztu beharko da, Udalari aurkeztu beharreko dokumentazioarekin batera.
- Eskura duzu, Uharteko Udalaren egoitza elektronikoan, egin ahal izateko izapidea: https://huarte.sedelectronica.es/info.11
2021eko abenduko uholdeek eragindako udalerrietarako aurreikusten da, horien artean Uharte dago, erantsitako dokumentazioan aurki daitezkeen zenbait baldintza bete ondoren, hiru udal-zerga ordaintzetik salbuestea:
- Egoera hori gertatu den ekitaldiari dagokion lurralde-kontribuzioa, uholdeek eragindako ondasun higiezinen titular diren pertsona fisiko edo juridikoentzat.
- Jarduera ekonomikoen gaineko zerga, eragindako jarduerari dagokionez.
- Eraikuntza, instalazio eta obren gaineko zerga, hondamendiak zergaren xede den instalazio, eraikuntza eta obrari eragin dion ehunekoan.
Foru agindu honetan aurreikusten diren zerga salbuespen hauetaz baliatu nahi duten pertsona fisiko edo juridikoek eskabide bat aurkeztu beharko dute, erantsitako dokumentazioan adierazten den nahitaezko dokumentazioarekin batera, udaletxean, gehienez ere bi hilabeteko epean, foru agindu hori Nafarroako Aldizkari Ofizialean argitaratzen denetik kontatzen hasita.
Nafarroako Gobernuak, udalek eskatu eta kalteak egiaztatzen dituen espedientea izapidetu ondoren, egindako salbuespen eta itzulketen aplikazioaren ondorioz toki entitateek jaso ez dituzten zerga sarrerak konpentsatuko ditu.
