Estatuko Meteorologia Agentziak (AEMET) honako alerta hauek aktibatu ditu Uharte inguruan:

• Osteguna: Alerta horia elurragatik eta izotz plakengatik, batez ere egunaren azken orduetan.
• Ostirala: Alerta laranja elurteengatik, pilaketa handiekin eta izotz arrisku handiarekin galtzada, espaloi eta bideetan.

Egoera honen aurrean, arreta handiz ibiltzea eta aholku hauek jarraitzea gomendatzen zaie herritarrei:

1. Joan-etorriak eta ibilgailuaren erabilera

• Behar-beharrezkoa ez bada, ez erabili autoa.
• Gidatu behar izanez gero:
• Kontsultatu aurretik errepideen egoera eta eguraldiaren iragarpena.
• Eraman erregai-tanga beteta, mugikorra kargatuta eta arropa beroa.
• Abiadura txikian zirkulatu, segurtasun tartea handitu eta bat-bateko balaztadak saihestu.
• Ez zeharkatu elur-pilaketa dagoen eremurik, jarraitu ahal izango duzula ziur ez bazaude.
• Erabili kateak edo neguko pneumatikoak beharrezkoa denean eta errespetatu uneoro Udaltzaingoaren eta gainerako larrialdi zerbitzuen jarraibideak.

2. Joan-etorriak oinez

• Ibili oinetako irristagaitzekin eta zola egokia elurretarako/izotzetarako.
• Ez egin korrikarik, ez saltorik eta ezta mugimendu zakarrik ere izoztutako tokietan.
• Ahal dela, erabili gatza botatako edo garbitutako eremuak.
• Arreta berezia jarri adinekoei, haurrei eta mugikortasun murriztua duten pertsonei.

3. Etxebizitzak, saltokiak eta komunitateak

• Saiatu balkoietan, erlaitzetan eta teilatuetan elurrik ez pilatzen; kendu ahal duzuna segurtasunez.
• Kontuz ibili teilatu eta fatxadetatik elurra edo izotza erortzeko arriskuarekin.
• Izozte handiak izanez gero, babestu hotzaren aurrean sentikorrak diren hodiak eta kontagailuak.
• Ahal den neurrian, atari eta garajeetako sarrerak garbi eduki, gatza baldin baduzu erabiliz.

4. Udal zerbitzuak eta larrialdiak

• Udalak, aurreikusitako alertaren arabera, bideak garbitzeko eta gatza zabaltzeko baliabideak aktibatuko ditu jende gehien ibiltzen den eremuetan eta puntu sentikorretan
• Mesedez, ez oztopatu larrialdi-zerbitzuen, garabien eta elurra kentzeko makinen lana.
• Larrialdietarako, deitu 112
• Herriko trafikoan gorabeheraren bat edo herritarren segurtasunean arazoren bat izanez gero, jarri harremanetan Udaltzaingoarekin, 609.409.383 telefono-zenbakira deituta.

5. Informazio eguneratua

• Jarraitu informazio ofiziala:
  • Udalaren webgunea eta sare sozialak
  • Udaltzaingoa
  • Babes Zibileko eta AEMETeko oharrak

Herritar guztien kolaborazioa eskatzen da, arriskuak minimizatzeko eta elur- eta izotz-gertaera horietan arrisku-egoerak saihesteko.