Menu
INFORMAZIOA
Lehendakaria:
Edorta Beltzunegi
JENDAURREKO ARRETA UHARTEN
- Astelehenetik ostiralera, 8:30-14:00
- San Juan plaza, 1 - 3.a (Uharteko Udala) 31620 UHARTE
- 948 33 32 23
- admon@mssbhuarteyesteribar.org
JENDAURREKO ARRETA ZUBIRIN
- Astearte eta asteazkenetan 9: 30etatik 13: 30etara (aurretiko hitzorduarekin)
- Orreaga etorbidea 13 (Esteribarko Udala) 31630 ZUBIRI
- 948 30 43 45
- admon@mssbhuarteyesteribar.org
Etxez etxeko laguntza zerbitzua
Etxez etxeko Laguntza Zerbitzua (ELZ) beren etxean beren kabuz bizitzeko egoera zailean dauden pertsonei eta familiei etxean arreta eta laguntza emateko zerbitzua da. Honen bitartez, FAMILIA-LANGILEEK oinarrizkojardueretan gizabanakoen edota familia-taldeen behar jakin batzuetarako laguntza bermatzen dute.
ELZ udal-zerbitzu bat da, Uharteko eta Esteribarko bizilagunei zuzendua, baldin eta behin betiko nahiz aldi baterako behar badute eta eskatzen badute.
Helburua da herritarrei bizi-kalitate hobea ematea beren etxeetan, modu autonomoan moldatzeko dituzten gaitasunetan oinarrituta. Arreta hori laguntza behar duten pertsonen mendekotasun-mailaren eta familiaren laguntzaren araberakoa izanen da, familiarekin lankidetzan jardunez, haien lan garrantzitsua ordezteko asmorik gabe.
Familiako langileen zereginak, batez ere, pertsonalak dira: higienea, mobilizazioa, altxatzea/oheratzea, zaintza arinak, familiarentzako orientazioa eta etxeko laguntza txikiak.
BERRIAK
AGENDA
Ez da gertakaririk aurkitu!
PROGRAMAK
Menu
Zer lortu nahi da zerbitzu honen bitartez?
- Autonomia-arazoak dituzten pertsona eta familien ingurunetik deserrotzea saihestea.
- Norberaren eta familiaren autonomia-maila handiena lortzea.
- Erakundeetan (egoitzetan, ospitaleetan eta abarretan) beharrezkoak ez diren ospitaleratzeak prebenitzea.
- Erabiltzaileen familiei laguntza, bultzada eta orientazioa ematea, eta, beharrezkoa denean, haien lana osatzea.
Zein motatako pertsona edo familientzat izan daiteke baliagarria?
- Mendekotasun graduren bat duten adinekoak eta/edo urritasunak dituztenak (fisikoak edo psikikoak).
- Eritasunak edo ebakuntza kirurgikoak izan dituzten pertsona gaixoak.
- Familia-gainkargak dituzten familiak (guraso bakarreko familiak, adingabeak ardurapean dituztenak, etab.).
- Senideen ohiko zaintzaileak (adinekoena edo desgaitasuna duten horiena).
- Gaixotasun terminala duten pertsonak.
- Egoera sozioekonomikoa edo kultura-egoera kontuan hartuta, laguntza behar duten familiak.
Nork gauzatzen du programa?
- Kasu bakoitzari esleitutako zereginak FAMILIAKO LANGILEAK izeneko profesional-talde batek egiten ditu, gizarte-langileak koordinatuta eta gainbegiratuta.
NOLA ESKATU ZERBITZUA?
Gizarte Langileek AURRETIKO HITZORDUAREN bidez erantzuten diete bizilagunen eskaerei, eta, etxez etxeko bisita egin ondoren, Zerbitzuaren eta Esku Hartze Planaren egokitasuna ezartzen da, eta dagokion familia-langilea, egunak eta ordutegia esleitzen dira.
Halaber, Uharteko Osasun Zentroan eta ospitaleetan, gizarte-langileek programa horren berri ematen diete familiei, eta Oinarrizko Gizarte Zerbitzuarekin harremanetan jartzen dira.
ELZren prestazioaren hasiera-data aldatu daiteke premia-motaren, unean uneko itxaron-zerrendaren eta eskatzen den prestazio-motaren arabera (ordutegian ere eragin dezake).
GIZARTE LANGILEAREKIN ALDEZ AURREKO HITZORDUAREN BIDEZKO ARRETA
Uharteko bizilagunen kasuan, Oinarrizko Gizarte Zerbitzuaren erabiltzaileak helbidea duen kalearen arabera
GIZARTE-LANGILEAK
Kasuen harrera eta balorazioa eta programaren kudeaketa
ADMINISTRARI LAGUNTZAILEAK
Ordainagirien kobrantzaren kudeaketa
Familia-langileak
Arreta pertsonala etxean, etxerako laguntza
ARRETA ORDUTEGIA
UHARTE: Astelehen eta ostegunetan 9:00etatik 14:00etara. Hitzordua eskatu telefono honetan: 948 33 32 23 ZUBIRI: Astearte eta asteazkenetan 9:30etatik 13:30etara. Hitzordua eskatu telefono honetan: 948 33 32 23
