Oinarrizko Gizarte Zerbitzua 1988ko urriaren 30ean hasi zen lanean Uharten eta 1991ko amaieran Esteribarren. Lehen Mailako Arreta Zerbitzua da, Uharte eta Esteribarko herri guztietako bizilagunei zuzendua.

Gizarte Zerbitzuen xedea da gizabanakoei, taldeei eta komunitateei laguntza pertsonala eta zuzena ematea, gizartean integratzen laguntzeko.

Gizarte Zerbitzuen Sistema Publikoaren helburua da gizartearen barruan pertsonaren garapen osoa eta askea sustatzea gizarte-ongizate handiagoa eta bizi-kalitate hobea lortzeko, bai eta gizarte-bazterketa eragiten duten kausak prebenitu eta ezabatzea ere.

Gizarte zerbitzuek osatzen dute lehen arreta-maila, laguntza behar duen pertsona ororen eta zerbitzu publikoaren arteko lehen harremana. Beraz, erantzun hurbilena dugu edozein eskaera edo premiaren aurrean.

Oinarrizko Gizarte Zerbitzuan lan egiten duten profesionalak talde-lanean aritzen dira, bi udalerrietan lan egiten duten gainerako erakundeekin koordinatuta.