Albisteak > Genero berdintasunean formakuntza. Uharteko Udala

Genero berdintasunean formakuntza. Uharteko Udala

GENERO BERDINTASUNEAN FORMAKUNTZA. UHARTEKO UDALA

 

Irailetik urrira bitartean, genero berdintasunaren arloko prestakuntza egin da, Udalbatzari eta Uharteko Udaleko teknikariei zuzenduta.

 

Udal honek urteak daramatza emakumeen eta gizonen arteko berdintasuna sustatzeko eta emakumeen aurkako indarkeria prebenitzeko politikak eta ekintzak garatzen. Ildo horretan, 2018ko azaroan Aukera Berdintasuneko agentea kontratatu zen berriro, Berdintasun politika publikoak garatzen jarraitzeko. Une horretatik aurrera, berdintasunaren arloko prestakuntza sustatzeko beharra nabaria da, funtsezko elementua baita udal honen politika publiko, araudi, plan eta programen kudeaketan genero zeharkakotasuna txertatzeko eta toki-erakundean garatzen diren ekintzek emakumeen eta gizonen arteko benetako berdintasuna sustatzen lagun dezaten sustatzeko.

 

Prestakuntzaren helburu nagusiak honako hauek izan dira: emakumeen eta gizonen arteko berdintasunaren esanahia ulertzea, emakumeenganako diskriminazioaren kausak eta jatorria aztertzea, Estatuko eta autonomia erkidegoko berdintasunari buruzko lege esparrua ezagutzea, tokiko eremuan Berdintasun politiken estrategia nagusiak ezagutzea eta udal politiken kudeaketan genero-zeharkakotasuna txertatzea erraztea.

 

Prestakuntza saioetan honako eduki hauetan sakondu da: berdintasunaren eta genero-indarkeriaren arloko Estatuko eta Foruko legeria, emakumeen aurkako diskriminazioaren eraikuntza, lortutako aurrerapenak, berdintasun-politikak eta horien estrategiak, emakumeen aurkako indarkeria, hizkuntza eta genero-ikuspegia udal-kudeaketan txertatzea. Horrela, azken gai horrekin lotutako hainbat gairi buruzko sarrera labur bat egin ahal izan da: genero-ikuspegia sartzea tokiko politiken kudeaketan; genero-egokitasuna identifikatzea plangintzan eta programazioan; genero-ikuspegia udal-aurrekontuetan, eta genero-klausula kontratazio publikoan. Ildo horretan, Uharteko Udalak konpromisoa hartu du gai horietan sakontzen jarraitzeko, udal-kudeaketan duten garrantziagatik, toki-erakundearen zerbitzura dauden langileen eta ordezkaritza politikoaren etengabeko prestakuntza sustatuz.

 

Udaleko Berdintasun Zerbitzuak bultzatu eta planifikatu du prestakuntza, eta Igual-ar Aholkularitzak eman du.